| Меню сайта |
|
 |
| Статистика |
Онлайн всего: 1 Гостей: 1 Пользователей: 0 |
|
|
|
 | |  |
Главная » 2012 » Декабрь » 26 » Беларускія нататкі з Афрыкі: што есці
21:36 Беларускія нататкі з Афрыкі: што есці |
Аляксандра паехала ў Афрыку зноў, але ўжо на 2 месяцы ў Гану і ў якасці валанцёра - працаваць з дзецьмі, бо "гэта адна з самых спакойных краін сапраўднай "чорнай" Афрыкі, якую трэба глыбока капнуць, каб пазнаць".
Уражаннямі ад Ганы Аляксандра шчыра дзеліцца ў сваім блогу. Прыводзім вам самыя цікавыя з яе нататак.
Маёй маме прысвячаецца,
бо ў яе заўсёды адно пытанне:
"Чым ты сілкуешся?" :)
Не магу сказаць, што гастранамічныя густы афрыканцаў адрозніваюцца асаблівай вытанчанасцю. Застольны этыкет збольшага ўсё на тым жа ўзроўні, што і сотні год таму. У рэстаранах і кафэ перад падачай стравы прыносяць тазік з вадой, каб абмыць рукі, бо такія стравы, як фуфу, напрыклад, ядуць рукамі, хаця і падаюць да іх лыжкі. Ядуць тут практычна ўсё: лятучых мышэй, слімакоў, а самае жудаснае – братоў нашых малодшых – сабак ды катоў… Але такім вычварэнствам займаюцца самыя бедныя пласты насельніцтва ды ў вёсках.
Я ўжо пісала пра тое, як робяць адну з самых традыцыйных страваў – фуфу. Адзін з кампанентаў – банан плантана, які таксама ядуць асобна. Адзін са спосабаў гатавання – deep fry – смажыць у алеі. Вось, напрыклад, як я гатавала сабе сціплы абед. Смажыла ў пальмавым алеі. Тут за паўлітра аддала долар, а памятаю, быў час, некалькі год таму, калі бацькі два літры ў Мінску за сто еўра куплялі! Не ведаю, як зараз з гэтым алеем у нас.
Бульба! Бульба тут таксама незвычная на беларускі густ, бо салодкая. Звараная, бо ў цукры. Вялікія, вельмі цвёрдыя плады, што сырымі дык і не парэжаш – прыходзіцца чакаць, пакуль крыху разварацца. Не магу сказаць, што ў захапленні ад мясцовай бульбы. Але з адной такой можна згатаваць вячэру на дваіх.
Што датычыцца садавіны, дык тут, канешне, проста вырай – усё таннае і даступна круглы год. Вось, напрыклад, тры такіх сярэдненькіх ананасы – за паўдолара.
З экзатычных для мяне прадуктаў распаўсюджаны тут манга. Манга ў Гане невялікія, вельмі салодкія і сакавітыя. Чатыры штукі таксама за паўдолара.
А вось папайя. Зялёная звонку, чырвоная ўнутры. Чорнае насенне лёгка выкалупваецца. Смак не салодкі, нават не ведаю, з чым параўнаць. Тут называюць попо (pawpaw).
|
|
Просмотров: 487 |
Добавил: qqq
| Рейтинг: 0.0/0 |
|
|
| Форма входа |
|
 |
| Поиск |
|
|
| Календарь |
|
|
| Архив записей |
|
|
|
|
